火鍋英雄 (Closed)

天氣寒冷，令人想食返餐暖下身，馬上諗起麻辣火鍋。揀左銅鑼灣火鍋英雄，地點好方便，地鐵站一出行兩三分鐘就到。係大堂已經見到一大盤乾辣椒，令人食指大動。座位很寬敞，坐得十分舒適。首先有八個小前菜，真好，一路睇餐牌食住慢慢揀。而且前菜都做得好出色，好味道！我地揀左鴛鴦鍋，一邊辣一邊唔辣，可以試多樣口味～重慶麻辣拼25年陳年花雕醉烏雞鍋鴨血- 食麻辣火鍋必選項目啦，正！英雄牛肉拼盤，呢個拼盤絕對係超水準之作，全部都係靚材料，品嚐到唔同部位，有和牛，有胸腹肉，各有不同既口感，有入口即溶的，又有爽滑彈牙的。必食推介洛神花茶豬爽喉，鮮黑毛肚- 好爽脆，呢兩樣唔係間間火鍋有得食，唔好錯過～鮮桂花魚片，酥炸響鈴- 火鍋多數都係提供鯇魚片，但呢度有鮮桂花魚，點可以錯過招牌魚腐，鮮鵝腸招牌四寶丸韮菜水餃，凍豆腐-放落湯，吸收晒d精華四川紹粉，口感似薯粉，配麻辣湯，好美味！