Video
Read full review
2018-02-10
195 views
潮流當然不止用於時裝髮型，就連食都一樣要跟得上潮流。最近，網上談論嘅呢間台式餐廳桃園眷村，評論有好有壞，咁點都一定要嚟試下佢究竟係龍定鳳啦😏位置喺朗豪坊嘅4樓，沿著扶手電梯上就見到，非常方便。餐廳以開放式坐位設計，自助式點餐取餐方式營運。諗好想食咩就去櫃臺落單，之後會有個取餐器比客人，響嘅時候就去拎嘢食咁。雖然呢度食嘅嘢都係台式早餐店嘅嘢食，我哋兩個嚟食晚餐喎，梗係咩都double份量啦！首先嚟個鹹豆花，原來大少係未食鹹豆花嘅，所以一定要叫比佢試下啦！台式鹹豆花同平時香港食到嘅上海鹹豆花唔同，多好多配料。呢度嘅就有紫菜碎、蝦皮、菜甫、香蔥、炸透哂嘅油炸鬼碎同埋佢哋嘅辣椒油同醋！最近睇咗好多有關呢間餐廳嘅評語話個鹹豆花麻麻，但我同大少兩個都覺得好有驚喜，真係好唔錯！味道係非常適中，唔係一味濃味面蓋過本身豆花嘅味道。配料一啲都唔吝嗇，全部份量都夠每啖豆花都有配料一齊食；辣椒油唔會死辣仲好香。豆花滑捋捋加埋爽口嘅菜甫，脆卜卜炸透咗嘅油炸鬼碎，口感更正！接着就叫咗兩款燒餅試吓，第一款係店員推薦嘅蔬果沙律燒餅。最初聽到嘅時候覺得，咦！怪怪地咁，燒餅不嬲都係配下蛋呀雞腿呀咁，配沙律會唔會好奇怪呀？
位置喺朗豪坊嘅4樓，沿著扶手電梯上就見到，非常方便。餐廳以開放式坐位設計，自助式點餐取餐方式營運。諗好想食咩就去櫃臺落單，之後會有個取餐器比客人，響嘅時候就去拎嘢食咁。
雖然呢度食嘅嘢都係台式早餐店嘅嘢食，我哋兩個嚟食晚餐喎，梗係咩都double份量啦！
鹹豆花
$32
12 views
0 likes
0 comments
首先嚟個鹹豆花，原來大少係未食鹹豆花嘅，所以一定要叫比佢試下啦！台式鹹豆花同平時香港食到嘅上海鹹豆花唔同，多好多配料。呢度嘅就有紫菜碎、蝦皮、菜甫、香蔥、炸透哂嘅油炸鬼碎同埋佢哋嘅辣椒油同醋！最近睇咗好多有關呢間餐廳嘅評語話個鹹豆花麻麻，但我同大少兩個都覺得好有驚喜，真係好唔錯！味道係非常適中，唔係一味濃味面蓋過本身豆花嘅味道。配料一啲都唔吝嗇，全部份量都夠每啖豆花都有配料一齊食；辣椒油唔會死辣仲好香。豆花滑捋捋加埋爽口嘅菜甫，脆卜卜炸透咗嘅油炸鬼碎，口感更正！
蔬果沙律燒餅
$36
16 views
0 likes
0 comments
豬扒蛋燒餅
$48
20 views
0 likes
0 comments
接着就叫咗兩款燒餅試吓，第一款係店員推薦嘅蔬果沙律燒餅。最初聽到嘅時候覺得，咦！怪怪地咁，燒餅不嬲都係配下蛋呀雞腿呀咁，配沙律會唔會好奇怪呀？點知係非常非常有驚喜！佢除咗菜、青瓜同蕃茄之外入邊仲有啲提子乾，個提子乾完全做到一個點睛嘅作用！加埋佢哋本身嘅千島醬，同埋自家製嘅花生水真係非常match！我同大少係以光速去K.O.咗呢一個燒餅！
另外一款燒餅就係豬扒蛋燒餅，反而呢款就冇蔬果沙律嗰份咁正！可能因為雞蛋比較濕，令到個燒餅淋咗啲，冇咁脆口喇！
台式香腸蔥蛋飯團
$42
21 views
0 likes
0 comments
肉燥滷蛋飯團
$32
20 views
0 likes
0 comments
飯團我哋都係嗌左兩款，一款就係肉燥滷蛋飯團，令一款係台式香腸蔥蛋飯團。有啲網民話佢啲飯團凍冰冰，我唔知咁啱咁橋定係乜嘢，我哋食嘅飯團係熱嘅，雖然唔知於話熱到辣手，但係食落去係暖笠笠嘅！
個肉燥滷蛋飯團我都幾推薦，味道非常好，可能係因為肉燥比較油嘅關係，令到個飯團唔係好夠黏。飯團入面除咗肉燥同滷蛋之外，一樣有炸到透哂嘅油炸鬼碎，每啖咬落去嘅時候都有脆卜卜嘅聲音出現；大少就最鍾意食台灣腸，所以都點左呢一個台式香腸蔥蛋飯團。呢款嘅飯團就夠黏力喇！有佢最鍾意嘅台灣腸，佢就一定會覺得夠哂好味㗎啦🤣
紅棗豆漿
$24
11 views
0 likes
0 comments
飲品方面我就點咗呢一個紅棗豆漿，好多人都話佢冇乜味，我真係覺得有紅棗嘅香味，亦都係有啲紅棗嘅渣嘅。佢唔會係好甜，咁樣唔係仲好咩？起碼肯定佢哋唔會係一味落堂去調味啊！大少就麻麻哋豆漿所以我就一個人清晒佢喇🤤
總括來講，真係要同呢間餐廳做個平反。Overall啲食物都係好味道嘅，我就未食過上海嗰間唔知道係唔係真係嗰間好味啲啦，但以單獨食呢一間嚟評價，我就覺得真係都唔錯啦！而且香港比較少有呢類型嘅台式早餐店，都值得一試啊😉
Post
