德興茶餐廳 (Closed)

記得有一晚同朋友出開沙田，行行下街見肚餓，決定離開商場去搵食。 ( 謎之音：寫食評寫到好似講估仔咁o既囧.... ... .. .行行下見倒德興，睇落格局都唔錯，又唔使等位 ( 主要原因 )，就走左入去諗住試下。見倒個掛牆o既餐牌，係是日晚餐黎o既～就同friend一人一個──────「咖哩雞扒飯」！個餐有：例水、小菜 & 主菜 + 餐飲例水：普普通通，冇乜特別，加上我已經唔記得左係咩湯黎，所以不作詳談。小菜：吉列帶子配沙律醬，幾好食，不過得三粒，唔係好夠喉 ( 話明小菜丫嘛哥仔囧 )。主菜：主角出場，咖哩雞扒飯，咖哩唔算太辣，好適合唔係咁食得辣o既人，塊雞又好食，淋上咖哩塊皮都仲脆卜卜。餐飲：凍茶多奶，水準如同一般港式茶記，冇乜特別。總括：值得一試，環境幾好唔會太雜，最緊要係個價錢相當合理，有機會可以試埋前少少食粥食粉麵o個間德興。