家全七福 (H Zentre)

Open Now

Now Closed

上次爸爸嘅親戚話約去家全七福晚飯，最後去唔到，轉左飲茶，飲茶食咗好多點心，唔錯，價錢都唔貴。之後諗住再去灣仔食飯，因為我朋友話灣仔質素好，不過約唔成，又告吹。有同事約食team dinner ，選嘅地方就係尖沙咀，次次都食唔到晚飯，今次當然要去。今次食set dinner，食嘅係調和五味套餐。前菜拼盤有：上菜雞子戈渣、皮蛋醬蘿蔔、蜜汁燒脆鱔，全部都好合我胃口，特別鍾意個雞子戈渣。大大碗嘅雞茸燴官燕，每口都大大啖官燕，又美味又養顏。勁愛呢度嘅釀焗鮮蟹蓋 ，蟹肉好多，而且一啲都唔肥膩。我個人覺得太辣嘅水煮手切牛肉，牛肉應該用上好靚嘅肥牛片，其他配菜又係一流。燒雲腿大地欖仁田雞片，其他人都有食田雞，我就無食，改左鴿甫，燒雲腿味道好突出，欖仁味濃，好少見呢個調味。油雞樅菌炒四季豆都係有少少辣，但係好惹味，如果送飯一定好適合，雞樅菌嘅味道真係香到不得了。瑤柱荷葉飯，啲荷葉好新鮮嫩綠，包得好靚，炒飯粒粒分明，同平時求求其其啲荷葉飯無得比。甜品有生磨合桃露，鴛鴦棗甘糕同懷醬芝麻卷，特別喜歡個合桃露。無諗過呢個餐可以咁大陣容，只係呢個價錢就食到咁多，真心推薦。