Coffee Lover (Moved) New Location

呢度真系一個三五知己談心好地方，好安靜，好舒服。可以比自己放鬆下心情，坐低飲杯咖啡，食個donut特別係老闆好有心，連個盤的裝飾都係佢設計，所有donut同咖啡都有自己的裝飾和拉花，所以外觀已經加哂分！我真係好欣賞佢的用心！而味道方面，個donut唔系好甜個種，正中我口味因爲我個人唔太中意太甜的donut，但呢個donut的甜度剛剛好，真心好正，味道都好好。唔同咖啡的拉花都唔一樣，凍同熱都有拉花。杯咖啡的甜度亦係剛剛好，抹茶味好濃！美中不足的地方只是夏天坐户外會比較熱，坐室內就無甘有feel，但整體而言，真系值得一試！