一豆花 (Closed)

得個9度，要在旺角街頭流連，真係好辛苦～要由七點幾等到八點幾，唔去行街睇衫就係去食野。旺角唔係我成日黎既地方，買衫又唔係我style，不如就去食嘢。唔太肚餓，小食就就啱胃口。今晚選擇豆腐花加芝麻糊。姐姐一邊勺一邊話，師傅今日好似有D失手，太多水，姐姐勺左兩碗水出黎先開始勺我碗豆腐花。勺完比我，滿滿的一碗，店方有立食區，有齊黃糖粉，薑汁，普通糖水比你落，企在街邊食，風味十足。一邊食一邊聽到店方錄音廣播，用非基因改造黃豆，豆腐花自家製，拒絕平家來貨，豆漿每枝用半磅黃豆製作........如果真係咁，呢個價錢係良心價。講返碗豆腐花，我覺得豆味可以再濃郁D，芝麻糊可以再少甜D，咁就更完美了。