北海道十勝豚丼 (Closed)

雖然食評只係好壞參半，但本身太鍾意食豬，所以無論如何都要嚟試吓。傍晚六點左右嚟到，只得一枱客，可以揀位坐…一早諗定要厚燒，由於太肚餓，叫咗大盛！太太就揀咗普通版薄燒，大家都係燒汁。套餐包小食─豆腐沙律、麵豉湯。豆腐唔滑，少少豆味，麻麻地。相反麵豉湯好濃，仲有兩隻蜆喎，味道算唔錯。主角出場：厚燒毫無疑問比較有質感，但入口仍然鬆軟，不過味道唔夠，比較淡口。大盛就真係幾大碗…薄燒爽口有o趙頭，味道亦夠。相對好味啲！米飯似乎係最差o既一環，太爛…不過，咁o既價錢(貴吉x家唔係好多咋)，有咁o既水準，又無”特別”招呼。所以俾個笑！