Video
Read full review
2015-10-10
1661 views
諗番起，愛上拉麵就係因為豚王。都應該最少6年前，香港仲未有咁多家豚骨拉麵店。偶然係沙田食到豚王，真係一試傾心。我本身鐘意食麵，好大原因係鐘意多姿多采既湯底，令到比較單純既麵都更易入口，味道更有層次（係，我好膚淺的，未做到食到麵本身既原味之類……）而豚骨拉麵香濃既湯，再配埋叉燒、玉子，永遠都俾到我滿足……後來係沙田食過赤王、黑王，反而覺得過猶不及，辛辣味無乜驚喜，墨魚汁更加味道不彰，但係徧徧好似溝淡左豚骨味咁，係有少少失望，再後來係食左博多一幸社、一蘭、魂、拉麵來、金田家，覺得實在係各有千秋，豚王於是又淡出視野外……今次因工作原因去銅鑼灣，於是去登龍街豚王。當然有冰水，基本功。然後當然選擇豚王，其他味道已經無乜興趣。本身希望食到最原本既味道，所以樣樣野都想揀普通，但係又難敵重口味之魂，於是香味油同蒜蓉都選左濃同多；叉燒當然選腩肉，貪其有油份有脂香豐潤香口；然後見到唐辛醬，唔太記得幾年前有否此物，當然最有印象係一蘭有……今次又會係一樣嗎？麵又係唔肯定以前有無太麵，今次就試試吧！而且要硬的！再加一顆糖心日本蛋，就係完善完美既組合。麵到！試一啖湯，仍舊濃郁，感覺上油膩度剛剛好，食得出嚴格控制材
後來係沙田食過赤王、黑王，反而覺得過猶不及，辛辣味無乜驚喜，墨魚汁更加味道不彰，但係徧徧好似溝淡左豚骨味咁，係有少少失望，再後來係食左博多一幸社、一蘭、魂、拉麵來、金田家，覺得實在係各有千秋，豚王於是又淡出視野外……
今次因工作原因去銅鑼灣，於是去登龍街豚王。
當然有冰水，基本功。
然後當然選擇豚王，其他味道已經無乜興趣。本身希望食到最原本既味道，所以樣樣野都想揀普通，但係又難敵重口味之魂，於是香味油同蒜蓉都選左濃同多；叉燒當然選腩肉，貪其有油份有脂香豐潤香口；然後見到唐辛醬，唔太記得幾年前有否此物，當然最有印象係一蘭有……今次又會係一樣嗎？麵又係唔肯定以前有無太麵，今次就試試吧！而且要硬的！再加一顆糖心日本蛋，就係完善完美既組合。
麵到！試一啖湯，仍舊濃郁，感覺上油膩度剛剛好，食得出嚴格控制材料既份量，以控制好每一碗麵既質素。但係可能係因為香味油同蒜蓉都選左濃同多，有少少死鹹既感覺，但係，即使加多左香味油同蒜蓉，理應唔係得死鹹……但係只係少少，其實接受到既。唐辛醬比一蘭既刺激，少少刺喉，我只選左1辛，還好，有一蘭珠玉在前，俾唔到咩驚喜；叉燒有三大塊，十分滿意，肥瘦相間平均，有脂香肥而不膩，有肉香，一啖入口滿嘴豐盈。絕對唔似金田家個隻會爛叉燒，都唔似一蘭咁薄到食左好似無食。
木耳同蔥都無咩特別，就係木耳同蔥，連蔥同吃多一份香味，連木耳同吃就多一份口感咁樣。
糖心日本蛋同樣高質，煮既時間剛剛好。整體係感覺到個份誠意，但係樣樣做到岩岩好又可能無左個特色……係咁多拉麵落戶既登龍街，遲下又會唔會繼續有咁多人排隊呢？
Post
