Video
Read full review
2019-07-13
17 views
平時都唔會走去天文臺道搵嘢食，但有朋友介紹呢度有間蒸氣火鍋好掂，就咬實牙關行條斜路上黎！用餐嘅位置喺2樓，環境寬敞而且仲有幾間VIP房，如果想一班朋友圍威喂食哂飯，就夠哂私隱！有好幾個海鮮蒸氣鍋嘅套餐可以選擇，我哋揀中價位嘅套餐試一試。店員遞上小食，好快就有第一款蒸氣食物上枱。店員會先將你選擇嘅粥底材料(南瓜、排骨、米) 舖係鍋底，上面蒸完嘅海鮮汁就可以流落去煮粥。黑松露蒸蛋先黎第一道開胃菜，需時3分幾鐘，蒸完之後至擺黑松露再蒸多1分鐘，蒸蛋蒸得啱啱好，食落口好滑，蒸完嘅黑松露香氣撲鼻，兩者好夾！花甲、鮑魚雖然花甲細細隻，但鮮味十足。鮑魚爽口，蒸嘅時間啱啱好，食得出用料新鮮乾淨。蒜蓉粉絲蒸聖子聖子蒸完之後冇縮水不特止，仲好鮮甜，蒜蓉滲哂入粉絲度，食一隻真係唔夠喉。花蟹每人得半隻花蟹，份量有啲少，蟹蓋入邊仲保留好多蟹膏，蟹膏好甜，蟹鉗好多肉，如果可以每人一隻就好！哈哈😂😂😂手剁墨魚丸食得出係手工製嘅墨魚丸，好爽口彈牙，咬落有一粒粒嘅墨魚肉粒，相比外面一般單點火鍋店嘅自製墨魚丸更食得出真材實料。冬菜蒸馬友平時屋企都好少會整馬友呢類魚，但原來用冬菜蒸一蒸已經好夠味，肉質嫩滑，冬菜更加有提鮮嘅
用餐嘅位置喺2樓，環境寬敞而且仲有幾間VIP房，如果想一班朋友圍威喂食哂飯，就夠哂私隱！有好幾個海鮮蒸氣鍋嘅套餐可以選擇，我哋揀中價位嘅套餐試一試。店員遞上小食，好快就有第一款蒸氣食物上枱。
店員會先將你選擇嘅粥底材料(南瓜、排骨、米) 舖係鍋底，上面蒸完嘅海鮮汁就可以流落去煮粥。
黑松露蒸蛋
先黎第一道開胃菜，需時3分幾鐘，蒸完之後至擺黑松露再蒸多1分鐘，蒸蛋蒸得啱啱好，食落口好滑，蒸完嘅黑松露香氣撲鼻，兩者好夾！
花甲、鮑魚
雖然花甲細細隻，但鮮味十足。鮑魚爽口，蒸嘅時間啱啱好，食得出用料新鮮乾淨。
蒜蓉粉絲蒸聖子
聖子蒸完之後冇縮水不特止，仲好鮮甜，蒜蓉滲哂入粉絲度，食一隻真係唔夠喉。
花蟹
每人得半隻花蟹，份量有啲少，蟹蓋入邊仲保留好多蟹膏，蟹膏好甜，蟹鉗好多肉，如果可以每人一隻就好！哈哈😂😂😂
手剁墨魚丸
食得出係手工製嘅墨魚丸，好爽口彈牙，咬落有一粒粒嘅墨魚肉粒，相比外面一般單點火鍋店嘅自製墨魚丸更食得出真材實料。
冬菜蒸馬友
平時屋企都好少會整馬友呢類魚，但原來用冬菜蒸一蒸已經好夠味，肉質嫩滑，冬菜更加有提鮮嘅作用，好味。
安格斯牛小排
牛肉最怕煮太耐會鞋口，但呢度蒸嘅時間岩岩好，就咁清蒸嘅牛肉好原汁原味，能夠鎖住肉汁，不過略嫌薄左少少，一兩啖就食晒啦。
甜梅菜蒸菜心苗😋
黎到最後嘅蒸菜心，就連平時好少食菜心嘅我都覺得好新鮮，菜莖好甜好爽口，菜葉就好嫩。
當食到呢度其實都已經飽咗七成，不過鍋底嘅南瓜排骨粥先係壓軸。鍋底嘅南瓜已經煲到淋晒，變成淡黃色嘅粥底，食落有淡淡嘅南瓜味同海鮮味，兩個人食大概每人都分到兩碗幾，份量幾多。
見我哋食到七七八八，仲送埋凍冰冰嘅木瓜雪耳糖水，為今晚哩餐盛宴畫上圓滿句號，亦感謝店員全程照顧周到！👍🏻👍🏻👍🏻
Post
