濠客蒸氣海鮮 (Closed)

之前係雞地路過留意過呢間食店，媽媽特別中意食海鮮，就同佢試試！佢主打蒸氣鍋蒸海鮮，還記得n年前嘅9層鍋，每一層都有唔同嘅海鮮，啲海鮮蒸出來嘅水都滴落個粥底，咁粥底就好鮮甜！呢間食店唔同嘅地方係逐層逐層蒸，每次店員都較好時間制，分開蒸的確熱啲新鮮啲！店員走來走去，為每枱放好食材較時間，一枱都要走幾轉真忙碌！揀左兩款海鮮拼盤，兩者嘅共通點係海鮮、蔬菜同汽水一罐，唔同嘅係海鮮種類同價錢！首先落左粥底，有南瓜/粟米瑶柱粥底，我地揀南瓜，之後就逐樣逐樣海鮮放上個隔度蒸。。。放蟹、龍蝦、蝦、鮑魚、貝殼類、牛肉同蔬菜。。。每樣都有各自要蒸嘅時間！個人覺得最驚喜係蟹同牛肉，雖然蟹被人斬開左一半，但佢地仲郁緊，蟹膏豐富而肉質鮮嫩，好味！平時牛肉就十下十下多，原來蒸嘅牛味可以咁濃！食完成餐海鮮宴，個主角出場，就係個粥，生米已經煮成綿綿嘅南瓜粥喇，好重海鮮味 仲不到好多粒粒嘅瑶柱 的確少少貴，但同媽媽食豪一次半次還可以！