一粥麵 (杏花新城)

Open Now

Now Closed

陪媽咪去杏花邨買波鞋後，兩母女就落商場地下食晚飯，最後我哋決定入『一粥麵』食飯。我哋叫咗個黯然蜜汁魚柳飯，配猴頭菇湯，以及一個無骨豬手菜飯套餐，配一碟仔嘅肉碎四季豆和一杯熱檸水，合共$103。俾咗錢之後，我哋就揀位坐，等職員送餐過嚟。我哋都覺得無骨豬手炆得好香，而且好軟，好啱老人家食，肉碎四季豆又唔會太鹹，菜飯多菜唔油，至於蜜汁魚柳飯，加埋蔥油及煎蛋，食落都幾好味，配埋清清哋嘅猴頭菇湯，就完全唔覺得油膩。總結：有一定嘅食物水準，而且值得一讚嘅係一位送餐女職員，佢嘅服務態度非常親切有禮，令到我哋兩個都食得好開心。