岩盤牛扒 ミディアムレア ステーキ (博文街) (Closed)

星期五放工後同朋友食晚飯,就簡左依間係奧海城附近既一間日本牛扒餐廳，就係小酒吧街旁邊。仲未入到餐廳，已經俾陣陣牛肉既香氣吸引。門口有餐牌，有三款部位，分別係肉眼扒, 牛柳以及西冷扒。價格相差都幾大。每款扒兩款SIZE: 300g 同400g揀加多25 蚊有SET 白飯，湯，沙拉同飲料任揀三款。同朋友嗌左兩個SET, 肉眼扒同西冷扒各400g 交換食，係門口Counter 先俾錢點餐，店員將大大磈牛肉放上磅，貨真價實。等左大約10分鐘已經可以拎餐, 大大磈牛扒係鐵板磁磁聲，牛肉汁不停流出。我同朋友order左三成熟, 喺鐵板一陣已經大約五,六成熟，岩岩好。先試下肉眼扒，啖啖肉，好容易咬開，肥瘦適中。西冷扒更勝一籌，好厚身，肉味比較香濃，紋理分明。兩款牛扒都十分Juicy，充滿肉汁，絕唔會乾身，脂肪比例岩岩好。飯同湯無咩亮點，飯有少少乾，沙拉還可以吧。整體性價比很高的一間牛扒餐廳。