點一龍 (海港城) (Closed)

夜晚同屋企人去睇戲，睇戲前先醫飽個肚，為咗免費泊車早系海港城食埋。耐無飲茶一於就食呢間點心，等咗十幾分鐘終於有位。勁肚餓叫咗小菜同埋點心、炒飯。佢哋嘅排骨好好味，唔會有雪藏味！最後叫咗兩籠排骨！黑松露小籠包，因為本人唔鍾意食黑松露，屋企人食完話一啲黑松露味都冇，我就試下，點知真係一啲黑松露味都冇！人生第一次食到蝦餃入邊有水仲要都幾多！我特登飲一啖試吓，係無味既水！我懷疑係啲蝦未融雪就拎去包，然後蒸完就咁多水呢三樣都係唔錯可以一試。呢個炒飯唔係好夠味左邊嗰碟芥蘭淡而無味，右邊嗰條蒸魚又幾清甜，我哋就將左邊嘅素菜點右邊嘅醬油黎食值得一讚嘅係啲魚都幾滑。呢個什麼龍蝦湯蝦餃完全名不符實，個湯係蕃茄味而唔係鮮味！最後，你飲茶真係唔應該飲其他飲品，好普通嘅台式飲品都可以唔好飲。