鐵牛台灣牛肉麵 (旺角中心第一座) (Closed)

第一次食鐵牛係晌尖東，抵食又好食，值得再食。黎左旺角竟然見到分店喎，又好耐無食咪再食。但今次有少少失望，覺得貴左，質素又下滑。嗌左個豬軟骨撈麵同滷水拼盤。滷水拼盤有豬大腸、蛋、豬耳。每款份量得個少少，仲要切到又細又幼，又無咩滷水汁，又唔係特別好食，靠D蔥呀雪菜呀生菜呀伴碟扮多野，好唔抵。撈麵煮得比較糊，但我ok，只係味道偏甜，少少食唔慣。豬軟骨就更甜，而最重要既係軟骨並唔軟，而係硬，豬硬骨😅 只有一小部份係軟。如果味道唔係偏甜，應該更好食。整體而言，不過不失，但以上果兩款食物肯定唔會再食。