鼎泰豐

Open Now

Now Closed

放假去沙田睇戲，睇完喺附近食野，見好耐冇食過鼎泰豐，就入去食個下午茶！不過唔食由自可，一食第一個感覺係，點解難食咗咁多？令我好失望。紅燒牛肉麵，湯底淡咗，冇果隻香濃牛肉湯味，仲要價錢比其他食牛肉麵嘅地方貴，而且份量又少。小籠包係熱嘅，不過冇鮮肉汁嘅味，好普通嘅小籠包，可能對佢太大期望，記得之前喺其他分店食係好食啲。醉雞啲肉好鞋。整體嚟講，服務質素其實唔差，環境都坐得舒服，但係收得咁嘅價錢，應該要保持到食物質素，一入去我係想食一個好味嘅小籠包，最後都係失望而回。