新興發點心

Open Now

Now Closed

呢間係西營盤咸魚欄既點心小店，格局雖然係普通茶記裝修但都坐得舒服。三位樓面呀姐服務比好多酒樓更貼心，不時主動幫客加水。食客除街坊外也有不少區外客。佢地既點心相信係自家廚房製造非工場交來，味道不只新鲜好味，而且性價比仲極高。果日因為得自己一個人去所以只食咗三樣嘢:叉燒腸，鸭腳扎同素翅灌湯餃。通常鸭腳扎入面舊芋頭我覺得係下欄從來唔會食的，但佢呢度整果件好靚，食落好粉，完全癲覆我一值以來對鸭脚扎入面舊芋頭的不良感觀。灌湯餃好足料，湯又夠熱。隔離枱位婆婆埋單時猛讚d點心好味，特別係咸魚肉餅飯舊咸魚喎。佢地既點心的確唔錯，但我更欣賞佢既茶竟然好滑，好似用山水沖既咁。收六蚊位茶錢真係超值。以後上環買嘢一定再去幫襯。