龍泉冰室 (Closed)

朋友們常常誤以為我晚晚大魚大肉，出入高級餐廳，但其實我都會幫襯茶餐廳晚市小菜㗎，今晚就和友人在九龍城龍泉冰室食dinner, 頗不錯呀！晚市小菜套餐共有二十多款，價錢由$68至$78元跟老火例湯，白飯及熱飲（凍飲加$3），好抵食。例湯~除了有蕃茄薯仔紅蘿蔔外，還有雞肉，清甜而沒有味精，好正！忍唔住叫店員再裝多一碗湯俾我。招牌咖哩牛腩~牛腩軟中帶咬勁，入口散發濃郁的咖哩香味，少辣，還有紅蘿蔔，青椒和洋蔥作配菜，十分惹味。士多啤梨骨~酸甜度啱啱好，肉味香甜有口感，酸酸甜甜好醒胃，好美味！冬菜蒸黃花魚~蒸魚餐有4款魚可供選擇，除了有黄花外，還有黄腳立，䱽魚和鲩魚，可以用豉汁，清蒸和冬菜蒸，我就揀左冬菜蒸黄花魚。黄花魚肉質嫩滑，非常新鮮，以大量的葱和冬菜一起蒸，更能提昇魚的鮮味，連魚汁也特別鲜甜美味，送飯一流。熱奶茶~茶味香濃又夠滑，不錯。