道北工房 (Moved) New Location

一個月內farewell三四次，太多同事離開~ 今日試道北工房，好似係新開張，餐廳共兩層，地下層有主要擺放海鮮，上一層才餐廳。餐廳面積幾大，好多附近返工人士都過黎食，全場滿座。餐牌上主要分日式及西式set lunch~ 見隔離枱多數食壽司餐，就跟風試一試真功夫。壽司很新鮮，有三文魚、八爪魚、帶子、魷魚、玉子、青瓜卷、蟹柳卷，其實壽司個名唔係好認識。 選擇豐富，但$98分量略為小，因為壽司size偏小。反而wasabi唔係一般現成買的貨色，唯一驚喜位。日本餐奉送麵豉湯，湯味很濃，好日式。服務方面，午餐時段滿座，但員工比例偏少，送餐時間會比較長。