利苑酒家 (形點 I)

Open Now

Now Closed

好想食蛋黃千層糕，同區發現利苑有就試下，不過原來佢係千層馬拉糕，唔係我想食果種。本來想試人參烏龍$78但佢黎錯左鐵觀音$88，咁就照試。食完點心飲啖茶，吞完係有甜味回上喉嚨，但嫌唔夠香。如果4個人可以試下叫靚茶，因為免4個茶芥都差唔多價錢，但小過4個人就不值一試。食物方面：峰巢芋盒：好食，唔太油，但美中不足佢唔係即炸。但都唔係放左好耐，夠熱千層糕：馬拉糕鬆軟唔太甜，但如果黃蛋味重d就好紫薯芝心煎堆仔：完全食唔到芝士味，但係幾好食，佢用左兩三張紙墊吸油，所以唔太油又夠脆，係即炸嘅。芝麻好香。蜜餞火腿：火腿唔夠咸香，蜜糖甜度可接受，因為之前真係食過有d超甜。蛋白杏仁茶：必試，蛋白好滑，佢係用南北杏，所以係香得黎帶有少少苦甘味，但個人喜歡這種味道，不過好細碗。整體食物質素中上，但價錢都係中上，所以唔叫抵食，可以試下，中規中距啦。