Video
Read full review
2019-01-13
564 views
今晚一行四大一小去到越開越多分店嘅芽莊食晚餐，拖住一小就要搵一間坐得舒舒服服嘅餐廳食飯，好好彩星期日夜晚七點都唔太需要排隊就直入左啦。雖然佢越開越多分店，但係其實我都只係第一次嚟食，總係覺得呢一類型連鎖嘅越式料理餐廳，來來去去都咁， 唔會太好食，所以都冇抱太大嘅期望。但係今日一試，我又有點改觀。蒜子炒通菜 炒得非常之香，炒得入味可口惹味，比我預期之中好食會安炸軟殼蟹卷 軟殼蟹炸得唔夠香脆，但係加上生菜同埋米紙之後，都唔錯，但比較淡口，但又冇配上醬汁，所以普普通通。炸蓮藕魚肉夾 喺出面嘅食肆冇見過呢一種嘅菜式，佢係兩片蓮藕之間夾着魚肉再炸，炸得幾香口，但係炸得比較乾身，所以味道一般。芽莊炒飯 有一啲類似臘腸嘅豬肉加上雞蛋同菜一齊炒，上到枱面略嫌唔夠熱，但味道可以接受。香茅燒魚 燒得非常香，加上佢嘅秘製嘅香茅醬汁，食落多汁又可口，非常唔錯，加上青檸提鮮，整體唔錯，值得一試。越式燒雞 燒得皮脆肉滑，而且唔會乾身，保持到雞肉嘅嫩滑，沾上蔥油醬汁，味道好好，好惹味，值得一試。河內番茄蟹肉湯檬 蕃茄湯非常之香濃，加上啲蟹肉變得很鮮甜，檬粉煮得啱啱好，唔會一夾就散，最怕啲檬粉好散散碎碎。而且味道好好
雖然佢越開越多分店，但係其實我都只係第一次嚟食，總係覺得呢一類型連鎖嘅越式料理餐廳，來來去去都咁， 唔會太好食，所以都冇抱太大嘅期望。但係今日一試，我又有點改觀。
蒜子炒通菜 炒得非常之香，炒得入味可口惹味，比我預期之中好食
會安炸軟殼蟹卷 軟殼蟹炸得唔夠香脆，但係加上生菜同埋米紙之後，都唔錯，但比較淡口，但又冇配上醬汁，所以普普通通。
炸蓮藕魚肉夾 喺出面嘅食肆冇見過呢一種嘅菜式，佢係兩片蓮藕之間夾着魚肉再炸，炸得幾香口，但係炸得比較乾身，所以味道一般。
芽莊炒飯 有一啲類似臘腸嘅豬肉加上雞蛋同菜一齊炒，上到枱面略嫌唔夠熱，但味道可以接受。
香茅燒魚 燒得非常香，加上佢嘅秘製嘅香茅醬汁，食落多汁又可口，非常唔錯，加上青檸提鮮，整體唔錯，值得一試。
越式燒雞 燒得皮脆肉滑，而且唔會乾身，保持到雞肉嘅嫩滑，沾上蔥油醬汁，味道好好，好惹味，值得一試。
河內番茄蟹肉湯檬 蕃茄湯非常之香濃，加上啲蟹肉變得很鮮甜，檬粉煮得啱啱好，唔會一夾就散，最怕啲檬粉好散散碎碎。而且味道好好，我哋連啲湯都飲埋，亦唔覺得個番茄湯有味精，非常值得一試。
總括嚟講，呢間連鎖嘅餐廳都比我想像中好，味道同價錢成正比，而且佢嘅分店地理位置都好方便，想想舒服服食一餐都係唔錯嘅選擇，而且呢一間嘅職員態度都好唔錯，會不停咁加水同埋收碟，而且都好親切有禮。
Post
