倪姐泰國美食 (Closed)

四個人黎左倪姐食，作為九龍城友都要睇下呢間泰菜質素。7點9到門口已經有人等緊，我地約15分鐘有位。見到好多人都係黎呢到打邊爐，但我地就叫左蝦餅、燒牛肉、船河、馬拉棧炒芥蘭、雞肉+雞腎串燒、炒金邊粉。先來飲品椰青，比其他泰菜細左少少，勝左夠哂凍同甜！燒牛肉幾好食，配埋d特制醬汁，好惹味，牛肉唔韌！炸蝦餅新鮮炸起熱辣辣，一碟有8舊，除左覺得有d偏咸外，整體都覺得蝦餅幾好食香口！其中招牌菜船河我本身幾期待，第一次食，覺得湯底好飲，少少藥材味，微辣，但好易入口，最好食係佢！炒芥蘭我就覺得太咸同辣，可能芥蘭唔合時所以苦勁好強！反而雞肉同雞腎串燒幾唔錯，幾入味，肉質唔乾，面頭搽左d甜甜醬汁好食！最後炒金邊粉用左少少蛋皮包住，份量唔細，同樣熱辣辣！整體黎講，質素算唔錯，價錢比同區泰菜平少少！餐廳職員會用平板落單，但成晚得2-3個樓面唔太足夠。