魚尚 (Closed)

我食過無數次呢間魚尚既外賣，一黎近我屋企，二黎我覺得好食過隔離火車站嗰間連鎖式外賣壽司店。雖然我知道散買個種壽司係平少少，但我每次都會食一盒8件個款壽司，因為質素好點，剛剛夠飽，而又多款式選擇，通常我都會食有三文魚嘅，我覺得以連鎖來講佢嘅肉質都算新鮮同肥美，以前會食埋流心蛋，但自從佢依家係一大袋流心蛋之後，我都冇買啦！因為以往係可以逐粒逐粒買嘅，如果我一個人食，食兩粒我覺得太多啦，希望佢快點轉返逐粒買既獨立包裝啦！