Video
Read full review
2013-07-30
862 views
其實本人對於High Tea興趣不太大，除了陪父母大人外遊要找地方休息外﹐一般都唔Buy這個的，原因係成日覺得啲餐廳將一般普通食物，分幾層扮到高高地就收貴你幾倍咁，所以都冇話好似其他朋友咁，有到酒店High Tea既喜好呀！今次幫襯，純粹係有朋友找到團購大優惠，半價嘆高茶，詢眾要求下我就奉陪了，結果係點，睇標題都略知一二吧~就係以佢既質素，個人認為1人價錢，4個人share 就差不多！為了確保能於週六享用這個優惠，差不多大半個月前已來電訂位，甫坐下眼見基本上所有客人都係買了團購的。揀了餐茶，俾埋加一既錢後(團購網上付款只買優惠劵，還需以現金支付加一費用)，店員就奉上兩客 High Tea 食物。High Tea 係由下而上咁食既，所以我也由下而上介紹菜單好了，如下：第一層(底)：(迷你)日本和牛漢堡 x 1(迷你)法式鵝肝漢堡 x 1焗田螺伴黑松露薯蓉 x 1芝麻脆蝦方塊 x 2第二層(中)：煙三文魚香草蕃茄包 x 1蜜桃鴨胸香草蕃茄包 x 1巴馬火腿香草蕃茄包 x 1第三層(頂)：比利時窩夫伴特級雪糕 x 1咖啡忌廉泡芙 x 2英國皇室朱古力餅 x 2每客包兩杯餐茶。上述款式確係唔少
為了確保能於週六享用這個優惠，差不多大半個月前已來電訂位，甫坐下眼見基本上所有客人都係買了團購的。揀了餐茶，俾埋加一既錢後(團購網上付款只買優惠劵，還需以現金支付加一費用)，店員就奉上兩客 High Tea 食物。
High Tea 係由下而上咁食既，所以我也由下而上介紹菜單好了，如下：
第一層(底)：
(迷你)日本和牛漢堡 x 1
(迷你)法式鵝肝漢堡 x 1
焗田螺伴黑松露薯蓉 x 1
芝麻脆蝦方塊 x 2
第二層(中)：
煙三文魚香草蕃茄包 x 1
蜜桃鴨胸香草蕃茄包 x 1
巴馬火腿香草蕃茄包 x 1
第三層(頂)：
比利時窩夫伴特級雪糕 x 1
咖啡忌廉泡芙 x 2
英國皇室朱古力餅 x 2
每客包兩杯餐茶。上述款式確係唔少，可惜份量唔多，味道亦麻麻，兩個漢堡真係好迷你，同一般西餐廳用嚟裝牛油既小兜一樣大小咁滯，我唔吃鵝肝，所以唔知味道如何，和牛味道尚可，但個漢堡冇搽牛油或任何醬，好乾。可能佢諗住有一片菜同蕃茄就變得 Juicy 吧，係我唔啱... 我唔食蕃茄。
而焗田螺伴薯蓉呢，初時我還以為係伴蝦方塊既沙律醬，細問之下才知就係螺薯了！我冇食田螺，但試了少少薯蓉，味道還好啦！蝦方塊好似比麻雀(開枱嗰啲)大少少，有點油，點薯蓉同吃好啲，乾吃真係膩呀！
中間嗰層香草蕃茄包，每款一片麵包，大小也較麻雀大一點，(忽然覺得麻雀好好用呀！)但我覺得同上面啲配料唔太夾，好似太濕，我唔想吃濕立立的麵包呀，所以料有料吃，包有包吃，但咁樣只可確保啲料入得口，片包真係唔太得！同樣，搽牛油好味啲囉！(或配猶如沙律醬的薯蓉吧！)
終於食到甜品... errr... 其實一開始已先隊了，因為當中有窩夫伴雪糕，雪糕快溶，所以侍應都建議我們先吃。窩夫唔係新鮮的，看來是要應付多人訂購既高茶而一早預備了，可以掟死狗。所謂高級雪糕，sorry...我食唔出有幾高... 佢冇 Dreyers既奶味，冇哈根達斯或 Ben & Jerry's 咁濃滑咁 rich... 佢只係似Nestle貨色吧... 頂盡係那些所謂自家製雪糕囉！咖啡忌廉泡夫大致知道其味吧？！反而英國皇室朱古力餅 (British Royal Chocolate Cake...佢係咁寫架)味道唔錯，有馬仔口感，但又食得出佢夾左朱古力蛋糕，整體好味，彷彿係全個高茶至美味既食物。雖然平均每人只需$76，但呢個質素，真係俾多佢，頂多$50... 當租個地方坐得舒舒服服 hea 一hea 好了！
Other Info. :
服務算唔錯，冇話黑面趕人走咁，可以晚市前慢慢坐。印象佢有主動幫人客加水，OK，所以整體我都俾OK...
(The above review is the personal opinion of a user which does not represent OpenRice's point of view.)
Post