City Art Steak．Grill (Closed)

行完商場之後，7點半去食飯～唔算多人，即使walk in都有位～環境氣氛都幾好～安排入座之後，講解返可以任食邊d野食～佢同一般自助餐唔同～有一個menu，分o左前菜，湯類，主菜，小食等. . .除o左餐牌上既野食外，出面會有海鮮，沙津同甜品以自助型式提供先講出面既野食～最開心既係有即開生蠔～重有3款選擇～Coffin ,taylor同smokey～我自己比較喜歡Taylor～每次最多拎3隻～因為人唔算多，所以唔需要等太耐～蠔夠新鮮，無腥同苦味～加上供應量充足～讚～其他海鮮類都ok新鮮～冷盤：沙津同火腿味道一般甜品就真係麻麻地了，款式不多，以小蛋糕同啫喱為主，一杯杯既啫喱賣相好靚，但味道一般，感覺離離去去都得啫喱一粒粒正方形既小蛋糕，無特色可信，味道亦一般，而雪糕只係得好普通既味，朱古力，士多啤梨，咖啡同抹茶到餐牌上既野食啦～大部份野食都好好味～而且每樣都好精緻～雖然每碟的份量都好少，但每道菜都好有心機砌得靚靚～由於份量少，所以可以試得晒所有野～麵食同燴飯類做得比較出色我最鐘意鵝肝燴飯～不過每次鵝肝既大細同煎香既程度都不一，有時會煎得太濃，黑晒邊有苦味鵝肝質素一般，不過食落尚算香口同無根