港畔餐廳 (Closed)

港畔餐廳自助晚餐係香港數一數二貴嘅自助餐，對佢嘅期望當然高一啲，呢間餐廳地方唔算大，裝修亦唔算突出，服務就係五星級，另附送180度全海景，都算佢啦。自助晚餐包一杯果汁或餐酒和餐後咖啡或茶。食品方面，大家嘅焦點會係海鮮，不過呢度無生蠔供應，只有麵包蟹，龍蝦，螺，青口，長腳蟹，蝦和刺身，海鮮和刺身質素，一定係比$5xx一位嘅自助晚餐高好多啦，鮮味都多啲 。而較特別嘅係佢有鹿兒島和牛，同埋鹿兒島黑牛即切即煎俾你食。熱盤選擇真係唔多，不過當中亦有鮑魚海參帶子同埋海鮮燕窩羹，如果你食得多，都可以番本。甜品方面，種類繁多，包括有佢哋嘅自製雪糕，最特別係佢哋個雪糕筒係精心炮製，樣子可愛，同類型嘅雪糕筒雪糕，出面食都要$70兩球，呢度係任食，食番三個筒六球都$210啦。