新都會大酒樓 (Closed)

成十個人去飲茶，北角附近都好難搵位。龍騰閣和喜悅唔使諗，一定冇位。最後想起新都會，有兩層，又大大間，應該會有位。果然，好到係唔需要等位，仲有好多張大檯剩，任揀唔嬲。睇吓張點心紙，幾多選擇，亦唔係貴，於是就亂咁叫，好似大豪客咁。叫了好多點心，牛肉、燒賣、鳳爪、蝦餃、千層糕、油菜、排骨、布丁、春卷，應有盡有。除點心外，再有一窩雪菜肉絲炆米及楊州炒飯。因為太多餸，我唔逐樣寫，可以話總體而言都只是很普通。唯一係個窩米炆得幾好，仲有個春卷都夠脆，係咁多。之後，每人都要一碗甜品，我揀了杏仁露，不過就唔夠香，又稀了些少。埋單每人唔使四十蚊，真係一分錢一分貨。