瑞士咖啡室 (Closed)

瑞士咖啡室唔係第一次食，但係灣仔呢間就真係未食過，上次行過同事話有興趣想試下，今日又諗唔到食乜好，結果就來左呢度。🤣😝一上到來要等位，預左既Lunch Hour 嘛。🤣 不過好在佢地方都夠大，所以都唔係等左好耐，15mins 左右就入得。✌🏻✌🏻✌🏻 坐低睇下餐牌，來到瑞士咖啡室又點可以唔叫佢個瑞士汁既餐呢！瑞士常餐B ，跟餐我叫左公仔麵，個麵普通，就係淥熟佢，不過無淋既 (呢個值唔值得俾分佢呢🤣🤣)，火腿奄列啲火腿都幾多，牛油多士係厚身嗰隻，唔脆，有少少淋，不過好厚身，食完都好飽下。🤣🤣 最後comment 係佢個瑞士汁雞脾，瑞士汁甜昧唔夠，但好入味，可惜個雞髀都幾嚡，真係唔係幾好食。最後係熱華田，無comment.... 總恬而言，好麻麻同我之前食荔枝角嗰間一樣，都算係貫切所有分店既味道，都係麻麻地!🤣🤣🤣🤣 同事可能覺得好伏，佢話唔會再來。🤣🤣🤣想提下呢度啲員工幾好，雖然上錯左通粉俾我，但佢地即刻幫我轉返麵，之後叔叔行過都仲有問我個麵來左未！👍🏻👍🏻😊😊好熱心呀。👍🏻👍🏻👍🏻👍🏻