Chatuchak (Closed)

今日早收工，同同事兩個去附近希慎廣場嘅11樓美食廣場度食chatuchak. 揀咗窗邊位坐，可以望到時代廣場嘅夜景。因為午餐已經食咗澱粉質類，今餐我哋諗住唔叫澱粉質類嘢食，食吓小食就算。炸蝦餅（三件，$58）蝦味都好香. 炸得唔會好乾身。個醬汁味道都幾開胃。燒豬頸肉（$58）質地爽口彈牙。用咗泰式嘅醃料。好重香料味。燒雞串（三串，$48）一串有四粒雞肉。好Juice。沙嗲醬好惹味同雞肉好夾。炸香茅豬扒（$36）香茅味好香。豬扒唔會好乾身。點埋個醬汁味道啱啱好。雖然係food court，但都坐得好舒服。