惠 (Closed)

我係超鍾意食日本餐嘅人，基本上三餐入邊有一餐走唔甩都係日本菜。香港嘅Omakase我都試咗接近七成，今次嚟到呢一間開咗大概半年嘅日本店試吓，估唔到佢仲有廚師發板添，而且價錢唔係好貴，今次發現咗呢間咁好味嘅餐廳，真係執到寶了。因為嘢食咗好多，所以我就揀咗幾款我鍾意嘅介紹俾大家，食物次序係我最鍾意💓嘅排先。岩手縣廣田灣生蠔💓💓💓💓💓呢個生蠔真係大愛，淨係睇到佢閃閃新輝嘅金箔，就好友打卡嘅感覺，而且仲係好大隻添，超有海水味。中拖羅 大拖羅 💓💓💓💓💓佢哋唔同嘅分別就係在於油脂唔同，大拖羅嘅油脂會比較多，肉質澄白色。中拖羅就會比較着重口感，魚肉味比較香。帆立貝壽司 💓💓💓💓壽司上邊配上左海帶，海帶係有少少鹹鹹地，帆立貝肉質好甜，夠新鮮。成個配搭可以就咁食唔需要任何調味。明太子白蝦壽司💓💓💓💓呢個配搭好特別，白蝦壽司好新鮮，蝦嘅肉質超級彈牙，配上鹹鹹地嘅明太子，唔需要點豉油食都好夠味。