海底撈火鍋 (利舞臺廣場)

Open Now

Now Closed

d同事成日都撩番大陸食野，話平靚正，不過我就懶番大陸，一直都未有機會去感受佢地所講既。就係今晚，飛雲黎啦，呢間紅遍大陸既火鍋店黎左香港再開分店，終於都搵到個藉口去食啦。呢間新分店係係銅鑼灣既利舞台，位置超級方便，我地大概1800鐘到，門口已經有人潮，不過係度等位都唔會怕悶，佢地會提供各式各樣既小食、水果同埋修甲服務等等...幫助打發時間，重點係全部都係免費架等大概15分鐘到就有位啦，入到去地方都算大，裝修四正，座位闊落，環境舒服仲唔會污煙瘴氣tim行緊個時仲會見到有d生日decoration， 一問之下，原來呢度仲會幫生日個枱既朋友佈置，好窩心呀Menu呢度係用部pad黎點餐既，分門別類，方便快捷，仲可以即時睇到呢餐既價錢tim。order完可以去攞醬料，仲有小食、水果、甜品等等...開餐前，記住著返呢度提供既圍裙，保護返自己d衫，至於鍾意相機食先既朋友，記住問佢攞個手機保護袋呀清油麻辣火鍋併蕃茄火鍋$128呢度既鍋底可以揀係單鍋、併鍋同埋四宮格，我地今晚就揀左麻辣併蕃茄，少辣都叫做接受到，不過越食就越麻，麻香好濃。個人黎講就鍾意個蕃茄湯底多d，蕃茄味濃郁，唔駛點醬都夠晒入味。值得讚既