Video
Read full review
2017-12-18
2153 views
天氣開始凍，又係時候食番啲會暖肚既食物。首選當然就係火鍋喇。所以就專登揀左一間辣得好出名既火鍋店——火鍋英雄。 地理位置非常方便，銅鑼灣港鐵站C出口行唔洗一分鐘就到。店鋪裝修都好有中國傳統特色，非常有格調。而且坐位寛闊，乾淨企理，好適合都一班好朋友黎談天說地，一路食一路傾。佢仲有附送一件圍裙，仲唔怕整污濁啲衫添，著高少少就啱啱好。 英雄八盞 連醬料（每位） $36一坐低，店員問完小妹同友人食咩就立即上左啲頭盤小食，服務迅速。雖然只係冷盤，但係味道都係一流。不單止各種味道都有，調味亦非常好，加埋一齊簡直令人食慾大增。特別係辣味既小食，雖然味道有小小偏辣，但係都依然都建議小食辣既朋友一試，絕對唔會令你後悔。 佢既醬係自己出去調製既。最與眾不同既地方係既重有教埋大家點調，非常之貼心。少食火鍋既朋友都可以享受到出色既醬料，令火鍋既味道更加提升。小妹就試左醬香同濃香，分別都非常出色，推薦得既果然唔錯。 重慶麻辣配養生野山菌湯 $110.4呢度既火鍋湯頭非常出色。重慶麻辣的確有少少辣，而且麻味都非常足，特別鍾意食麻既朋友就唔好走寶。雖然半碗都係紅色好誇張咁，但係小妹食開三小辣既友人都覺得小辣既無問
地理位置非常方便，銅鑼灣港鐵站C出口行唔洗一分鐘就到。店鋪裝修都好有中國傳統特色，非常有格調。而且坐位寛闊，乾淨企理，好適合都一班好朋友黎談天說地，一路食一路傾。佢仲有附送一件圍裙，仲唔怕整污濁啲衫添，著高少少就啱啱好。
英雄八盞 連醬料（每位） $36
一坐低，店員問完小妹同友人食咩就立即上左啲頭盤小食，服務迅速。雖然只係冷盤，但係味道都係一流。不單止各種味道都有，調味亦非常好，加埋一齊簡直令人食慾大增。特別係辣味既小食，雖然味道有小小偏辣，但係都依然都建議小食辣既朋友一試，絕對唔會令你後悔。
佢既醬係自己出去調製既。最與眾不同既地方係既重有教埋大家點調，非常之貼心。少食火鍋既朋友都可以享受到出色既醬料，令火鍋既味道更加提升。小妹就試左醬香同濃香，分別都非常出色，推薦得既果然唔錯。
重慶麻辣配養生野山菌湯 $110.4
呢度既火鍋湯頭非常出色。重慶麻辣的確有少少辣，而且麻味都非常足，特別鍾意食麻既朋友就唔好走寶。雖然半碗都係紅色好誇張咁，但係小妹食開三小辣既友人都覺得小辣既無問題，唔洗擔心。而佢既麻辣都幫助帶出食物既鮮味，值得一試。如果完全唔食辣既朋友，都可以試下佢既野山菌湯。佢既菌香味即使喺麻辣火鍋隔離都無被蓋過，配合其他香料既味道令人精神一振。少少清淡又唔會覺得寡，好適合做火鍋既湯底。如果大家對湯底唔太熟識，呢個配合相信可以滿足大部分人既口味。
鮮黑毛肚 $70.4 西班牙黑豚肉 $86.4 本地手切肥牛頸脊（小）$214.4
呢度既肉食亦十分出色，同兩種湯底都好夾。黑毛肚十分爽口，同麻辣既湯底絕對有種令人意想不對的配合。西班牙黑豚肉亦十分出色，切得啱啱好既厚度加上豬肉少有既鮮甜令人眼前一亮！食火鍋當然唔少得牛肉。肥牛頸脊有著濃厚既牛肉味，非常吸引。厚厚既切片同油花食起黎有種特別既口感，同平時食開既肥牛片好唔同。
皇帝菜 $28.8 窩荀片 $25.6
今次食既兩款菜都好特別，大家覺得平時食黎食去係果啲既話絕對要試下。皇帝菜個名非常有覇氣，好似古代既宮廷菜餚。唔單止清爽好食，好似有利腸胃既功效，好適合喺火鍋既時候食。窩荀片無左平時既少少苦味，喺湯底既配合下更加鮮甜。如果想重口味啲既話仲可以煮耐啲。
酥炸響鈴 $38.4 稻庭烏東 $25.6
喺咁好既湯底下，呢兩樣火鍋必備食物又點會唔好食呢？響鈴唔會太油，就算喺比較油既麻辣湯底下亦都係啱啱好。而稻庭烏東喺濃濃既鍋料精華加持下絕唔會令人失望火，口感亦非常之好。
竹蔗矛根水（支） $48
味道不過不失，不過食辣既時候又點少得一啲清甜既飲品配合呢。再加上加都幾大支，小妹兩個人成餐都係叫左一枝黎飲，都唔錯。
Post
