Video
Read full review
2024-02-02
287 views
我平時都無寫開食評嘅，但係今次真係忍唔住啦，因為食完呢間餐廳返到屋企一直喺度肚痛，然後啱啱凌晨五點幾肚痛到扎醒咗仲起身嘔咗一次，我覺得今次真係唔寫唔得。幾個月前呢同舊同事嚟食個鋒哥廚房，成個用餐呢都非常之愉快，食物質素都非常好；所以今次就同屋企人到訪第二次。 成個用餐呢都不斷俾一個貌似係老闆嘅男人「服務」，雞煲計時5分鐘食，之後放咗龍蝦放咗落個雞煲度唔夠3分鐘夠鐘食，但係拎上嚟呢係凍嘅；我哋諗住擺番落去煮返熱啲啦，但係呢位「老闆」 就話龍蝦呢本身就整熟咗凍食都得㗎喎，仲話出去食自助餐啲龍蝦都係凍㗎啦。 然後個雞煲又要我哋不斷咁樣搞個底，但係呢個煲已經變咗型不斷呢係360度咁樣轉完全搞唔到，然後我哋搞唔到開始有啲燶味呢啲員工你又開始覺得我哋冇跟足指示去食個雞煲，成餐飯都食得，非常之有壓力。（個雞煲仲要好難食）到海鮮部份啦，我其中一個屋企人可能呢啱啱呢只係夾咗少少海鮮，咁我呢位「老闆」嘅男人呢，就質疑我哋做咩咁少啊，真係估唔到你任食火鍋店夾得少都要俾人問喎。連未攞嘢飲，佢都要話做咩呢個人唔飲嘢啊都唔知係出於關心吖定係覺得呢我哋奇怪，總之表情表露到我哋成枱係奇怪，語氣眼神都令人十分受氣。後尾
幾個月前呢同舊同事嚟食個鋒哥廚房，成個用餐呢都非常之愉快，食物質素都非常好；所以今次就同屋企人到訪第二次。
成個用餐呢都不斷俾一個貌似係老闆嘅男人「服務」，雞煲計時5分鐘食，之後放咗龍蝦放咗落個雞煲度唔夠3分鐘夠鐘食，但係拎上嚟呢係凍嘅；我哋諗住擺番落去煮返熱啲啦，但係呢位「老闆」 就話龍蝦呢本身就整熟咗凍食都得㗎喎，仲話出去食自助餐啲龍蝦都係凍㗎啦。
然後個雞煲又要我哋不斷咁樣搞個底，但係呢個煲已經變咗型不斷呢係360度咁樣轉完全搞唔到，然後我哋搞唔到開始有啲燶味呢啲員工你又開始覺得我哋冇跟足指示去食個雞煲，成餐飯都食得，非常之有壓力。（個雞煲仲要好難食）
到海鮮部份啦，我其中一個屋企人可能呢啱啱呢只係夾咗少少海鮮，咁我呢位「老闆」嘅男人呢，就質疑我哋做咩咁少啊，真係估唔到你任食火鍋店夾得少都要俾人問喎。連未攞嘢飲，佢都要話做咩呢個人唔飲嘢啊都唔知係出於關心吖定係覺得呢我哋奇怪，總之表情表露到我哋成枱係奇怪，語氣眼神都令人十分受氣。
後尾佢有其他熟客先開始放棄「服務」我哋呢枱，而我哋終於可以放鬆少少。
本身都算㗎啦，就諗住以後都唔再食啦，覺得質素真係差咗好多，仲要特登入去元朗行到撳入去呢間餐廳，喺西鐵站行過嚟都差唔多要20分鐘㗎，大家自己衡量腸胃到底接唔接受到呢間餐廳嘅食物嘅挑戰，同埋EQ夠唔夠高能夠接受呢位「老闆」嘅挑戰啦。
Post