Sogno Cafe x 雞翼山 (Closed)

星期日想搵個靚靚餐廳，坐得舒舒服服咁食個下午茶, 去到南浪一帶，發現果一頭開左幾間有室外坐位的餐廳，價錢都偏高。大部分都無下午茶套餐，全部食物、飲品都係散叫。我叫左2杯飲品，加2份雞翼。雞翼一份6隻，係同一個口味，如果想試多一個口味就要叫2份，其實6隻一份真係有d多，因為全部都有層炸左嘅脆皮，每隻都肥肥的、脹卜卜、好大隻。我試左咸蛋黃味及咸檸檬味。咸蛋黃味雞翼係真材實粒嘅，食到咸蛋黃粒，咸蛋黃出油所以炸完有小小起泡，正常。味道唔會太咸，幾香幾好味。雞翼外脆内軟，仲保留住雞翼嘅肉汁，即叫即炸，雖然等得比較耐，但係口感超正，等耐d都值得。另一款咸檸檬味係咸味加酸酸甜甜味的，在炸皮上淋左甜酸醬，所以無咁脆，非常重口味，真係好酸，我呢個味道有新意，但真係覺得一般，下次唔會叫。飲品揀左熱mocha, 咖啡味偏苦，唔夠朱古力味。另外，鮮果沙冰，好正！總價$150，12隻雞翼加2杯drink, 算好貴。