奇樂香辣雞煲 (Closed)

朋友生日，佢揸fit選餐廳，我們都鐘意食雞煲，見到呢間評價唔錯於是來試下，食完深覺被欺騙感情。環境比很多雞煲餐廳都好，不過入座後水都無斟杯，三催四請先有。看到menu忍唔住驚訝好貴，我們三人要咗個二人餐，因為二人餐要價668，但雞得半隻。麻辣嘉美雞，食起上黎同其他雞煲無太大分別，無咩雞味。魚皮餃要俾個like，大隻好味又彈牙。還有餃子，裡面包有很多蝦仁，啖啖肉，可惜得兩隻。牛骨髓都幾香滑，不過牛丸無牛味。我們還另點了鵝腸，豬肚同豬潤，鵝腸好新鮮，輕輕一灼就熟，脆卜卜彈牙到不得了。平心而論，呢間食物質素算ok，不過價格就真係令人o咀，最後埋單過千，豉油配菜都要收費。主角，隻雞最令人失望，總體感覺其質素與價格不够相稱。