Video
Read full review
2014-05-28
755 views
大前日(25-5-2014 Sun),約o左女友人ST晏晝o係梨木樹攞o野,攞完o野同男友一齊食晏,我記得呢o度有大家樂,就諗住用埋另一張買焗飯送可樂,呢日到期o既coupon,我o地o黎到搵到位後就出去買,今次諗住食三重芝士焗海鮮飯,點知餐牌上有另外兩種冇呢種 ,都12:50pm啦,重未出齊?正當我用電話同男友講時,聽到職員話所有焗飯賣晒. 唔係o掛?男友就話去笫二間囉.啊,我o地就行啦,又隔離呢間綠園?唔好喇,再搵吓,見到呢間,泰國o野食同五十嵐,我o地睇過後,就決定試呢間.入到去冇晒卡位,收銀大聲叫我o地等嗌No.,我行返出去,佢問我o地唔係買外賣?啊,攪錯o左,又問我o地幾多位?我答兩位.就指我o地去另一邊,一位亞姐帶我o地去卡位.坐低後睇餐牌,有好多o野食,除o左越式外重有泰式,港式同西式,我要$50.00o既泰滋味套餐,要炭燒豬頸肉湯檬配泰式蝦餅,飲熱奶茶.男友要馬來西亞風,$40.00o既沙爹雞扒飯,亞姐問要唔要餐?餐有o野飲,男友就話咁要啦,要凍檸水.套餐價係$45.00,凍飲加$2.00.好快,除o左泰式蝦餅外,兩個餐o既食物都到齊,然後係男友o既凍檸水,再之後到我o
我o地o黎到搵到位後就出去買,今次諗住食三重芝士焗海鮮飯,點知餐牌上有另外兩種冇呢種 ,都12:50pm啦,重未出齊?正當我用電話同男友講時,聽到職員話所有焗飯賣晒. 唔係o掛?男友就話去笫二間囉.啊,我o地就行啦,又隔離呢間綠園?唔好喇,再搵吓,見到呢間,泰國o野食同五十嵐,我o地睇過後,就決定試呢間.
入到去冇晒卡位,收銀大聲叫我o地等嗌No.,我行返出去,佢問我o地唔係買外賣?啊,攪錯o左,又問我o地幾多位?我答兩位.就指我o地去另一邊,一位亞姐帶我o地去卡位.
坐低後睇餐牌,有好多o野食,除o左越式外重有泰式,港式同西式,我要$50.00o既泰滋味套餐,要炭燒豬頸肉湯檬配泰式蝦餅,飲熱奶茶.
男友要馬來西亞風,$40.00o既沙爹雞扒飯,亞姐問要唔要餐?餐有o野飲,男友就話咁要啦,要凍檸水.套餐價係$45.00,凍飲加$2.00.
好快,除o左泰式蝦餅外,兩個餐o既食物都到齊,然後係男友o既凍檸水,
再之後到我o既熱奶茶.開餐先.睇見我o既炭燒豬頸肉切到好薄,湯檬份量唔多.
好,夾件豬頸肉食先,但…..連刀,係全部都冇切斷到,
攪咩?我o地想攞餐刀切都冇,唯有用飯匙.切開後至正式食得.一啖食落,冇味,我直情要蘸之後同泰式蝦餅到o黎o既酸辣醬同男友o既沙爹汁食;口感又唔係好爽口.男友直情話垃圾,又乾又硬,o衣o家食豬肉乾咩?湯檬亦都一樣,完全冇味,係滾水淥熟o左後至加喇沙o既調味料上去,好唔掂.
我試吓男友o既沙爹雞扒飯,
杰杰地o既沙爹汁帶微辣,雞扒口感鬆軟 ,亦都有幾件薯仔.
飯o既軟硬適中.呢個比我o既炭燒豬頸肉湯檬好得多.之後件泰式蝦餅到o黎,切開成四件,
蝦餅熱騰騰,亦食到蝦肉o既味道,蘸唔辣o既酸辣醬就幾好食. 最後我又多手食伴碟o既蘿蔔絲,竟然係霉o既,有冇攪錯? 而我杯熱奶茶呢,
我只加一茶匙糖,呢個茶味唔濃,奶味亦唔多,口感僅僅合格,爭少少就係唔滑.味道係2.80分, 抵食係1.35分
環境:
好舒適,張枱又大張.
Post
