福臨門 (利文樓)

Open Now

Now Closed

早前老闆請我食大餐，因為年尾工作太忙既關係！所以一直無update! 而家見得閒d一定要讚下呢間高級食府我地係食晚飯！叫左個貴賓b餐2000蚊位！第一道菜係紅燒大排翅！份量當然足料食落爽爽咁！有口感下一道菜就係鵝掌吉品鮑，鮑魚柔靱！有溏心效果！鵝掌同鮑魚配合埋個濃郁既鮑魚汁！美味無窮食完想食多一隻囉再下道菜就係紅燒乳鴿！應該係我食乳鴿以黎最好味既一次非常難忘，肉汁依然！唔乾身！識食一定食埋個乳鴿頭！最後成隻乳鴿變成碎骨好變態咁，但係堅好食！另外散叫左個咕嚕肉！味道唔會太酸！咕嚕肉上既粉漿唔會好厚！酸酸甜甜幾惹味！食左個焗蟹蓋。因賣相唔特別無影相！但味道唔錯，大量蟹肉已拆肉釀係蓋內！蟹肉鮮甜，最後黎埋個椰汁燕窩！又係夠哂足料，多到好似食緊麥皮咁口感豐富！總結，味道一流！比得呢個價錢會比番呢個質數！