西湖 (Closed)

經過門口,見到大大隻字寫住正價七折,咁就入咗去食.睇勻成個餐牌,就算正價七折,散叫都覺得唔化算,比較貴,因此叫咗個貴賓版二人餐.前菜味道非常一般,除了幾舊醉雞有些少酒味外,鎮江肴肉比較硬,燻魚好硬,其他味道亦不夠.濃湯雲吞雞,湯底比較咸;外婆紅燒肉,肉質好似煲湯豬肉咁;好彩津白不錯,菊花魚柳亦幾惹味.擔擔麵有些少辣,不過麵身不會太硬.所謂招牌小籠包不外如是,唔好食,高力豆沙則非常多油.