Video
Read full review
2019-04-06
48 views
晏晝搵好西食，但唔想食飯，見到呢間新開喎食米線，就走左入去食。粉類好多選擇，揀唔到仲可以自由配搭，想要幾多餸都得～ 第一次食，梗係要招牌野，於是我食紅燒牛肉粉，小辣。飲啖湯，即刻飲出骨濃湯嘅鮮味 🤤 加上小小辣，粉吸收晒湯嘅味，食落更惹味。米線雖然粗，但質感挺實又少少QQ, 係貴州版嘅QQ粗意粉 😂 值得一食。 除左米線，牛肉都炆到好腍好入味，仲有自家製酸辣肉碎豆角，更開胃醒神，愈食愈好食😋朋友就食正宗羊肉粉，可惜唔食得辣，錯過晒惹味嘅酸辣同香辣刺激嘅麻辣，不過都唔怕，因為可以走辣，原汁原味嘅骨熬濃湯就一直食到尾，佢仲話羊肉唔羶。另外，我地再嗌左兩個小食。一款係半隻口水雞，好大隻，好好肉，肉又嫩滑，稱得上係個好主菜，唔係小食 😂 麻辛香料配辣油，超好食～另一個就啪青瓜，清新得嚟好刺激，過足癮。太多辣都要中和下，飲罐王老吉，咁就無有怕～
粉類好多選擇，揀唔到仲可以自由配搭，想要幾多餸都得～
第一次食，梗係要招牌野，於是我食紅燒牛肉粉，小辣。飲啖湯，即刻飲出骨濃湯嘅鮮味 🤤 加上小小辣，粉吸收晒湯嘅味，食落更惹味。米線雖然粗，但質感挺實又少少QQ, 係貴州版嘅QQ粗意粉 😂 值得一食。 除左米線，牛肉都炆到好腍好入味，仲有自家製酸辣肉碎豆角，更開胃醒神，愈食愈好食😋
朋友就食正宗羊肉粉，可惜唔食得辣，錯過晒惹味嘅酸辣同香辣刺激嘅麻辣，不過都唔怕，因為可以走辣，原汁原味嘅骨熬濃湯就一直食到尾，佢仲話羊肉唔羶。
另外，我地再嗌左兩個小食。一款係半隻口水雞，好大隻，好好肉，肉又嫩滑，稱得上係個好主菜，唔係小食 😂 麻辛香料配辣油，超好食～
另一個就啪青瓜，清新得嚟好刺激，過足癮。
太多辣都要中和下，飲罐王老吉，咁就無有怕～
Post
