Video
Read full review
2018-07-06
113 views
期待咗呢間舖好耐，都預咗佢會比大陸貴，所以都照去試。中午時段嚟，原本以為會好似大陸咁排長龍，早早book咗枱。點知嚟到竟然見坐唔滿。當下已經諗係米有啲伏伏哋...先講佢個環境。裝修得唔錯，好過大陸啲串串舖好多。不過佢個設計係有問題：間舖中間有一棟矮牆將舖分成兩個區域，我哋坐喺靠門口（lift）呢邊。串串擺喺入邊（靠窗）。兩個區域只可以喺矮牆嘅兩邊通過，中間係行唔到嘅。即係話我哋要去攞串串一定要經過收銀枱，而收銀枱通常有好多人逼喺度稱串串啊，畀錢啊之類（而且唔知點解佢哋服務員好鍾意聚集喺收銀附近）。每次行過都好似喺樓下行緊街咁，非常唔方便，尤其係當你捧住一盤嘢嗰陣。再講佢啲服務。內地嘅餐廳，除咗海底撈，你都唔會expect佢啲服務好得去邊。雖然係咁，都唔代表你啲服務員可以喺度行行企企，見你唔到，加嘢漏單。我哋都唔知係咪唔好彩，樣樣試齊。跟住就食嘢啦。叫咗菇菌鴛鴦。辣嗰邊都幾油幾辣，係幾正宗，而且辣鍋越煮越辣。菇菌嗰邊就一般，正常。原本我哋想食啲串串又叫啲打邊爐嘅嘢，點知個服務員自己無落單都唔知。鑑於時間關係，唯有齋食串串。招牌小郡肝係幾好味，爽滑。香菜牛肉同包住舊辣椒嗰隻牛肉都幾好。其他
中午時段嚟，原本以為會好似大陸咁排長龍，早早book咗枱。點知嚟到竟然見坐唔滿。當下已經諗係米有啲伏伏哋...
先講佢個環境。裝修得唔錯，好過大陸啲串串舖好多。不過佢個設計係有問題：間舖中間有一棟矮牆將舖分成兩個區域，我哋坐喺靠門口（lift）呢邊。串串擺喺入邊（靠窗）。兩個區域只可以喺矮牆嘅兩邊通過，中間係行唔到嘅。即係話我哋要去攞串串一定要經過收銀枱，而收銀枱通常有好多人逼喺度稱串串啊，畀錢啊之類（而且唔知點解佢哋服務員好鍾意聚集喺收銀附近）。每次行過都好似喺樓下行緊街咁，非常唔方便，尤其係當你捧住一盤嘢嗰陣。
再講佢啲服務。內地嘅餐廳，除咗海底撈，你都唔會expect佢啲服務好得去邊。雖然係咁，都唔代表你啲服務員可以喺度行行企企，見你唔到，加嘢漏單。我哋都唔知係咪唔好彩，樣樣試齊。
跟住就食嘢啦。叫咗菇菌鴛鴦。辣嗰邊都幾油幾辣，係幾正宗，而且辣鍋越煮越辣。菇菌嗰邊就一般，正常。原本我哋想食啲串串又叫啲打邊爐嘅嘢，點知個服務員自己無落單都唔知。鑑於時間關係，唯有齋食串串。招牌小郡肝係幾好味，爽滑。香菜牛肉同包住舊辣椒嗰隻牛肉都幾好。其他就一般般啦。
食完稱簽。75/100g。平時都無乜概念，點知我哋兩個人齋串串就食咗$450！再加埋湯底，茶水，調味料，計計埋要$75x！八折咗都要實收$605！哇！真心接受唔到lor。呢個價錢，都夠三個人喺海底撈食個lunch啦，何況我哋兩個女仔都未係食得飽。
總結嚟講，咁嘅價錢同服務，真係未必會再嚟。
Post
