Triple O's by White Spot (Closed)

呢一日唔知做咩，好想黎3個O食個午餐。雖然我知道一都唔平，不過我係鍾意佢地美味既漢堡。用料好新鮮，而且製作認真。真係貴得有道理架，間中食一次半次都唔錯架。雞肉漢堡佢地用左鮮嫩既雞肉，配上新鮮既生菜、蕃茄等既配料。而我都加左芝士個burger到，個配搭既好食。而且雞肉都算幾大舊，個表面面積比個包仲要大。薯條係好食既粗薯條，薯味好夠。而且係新鮮炸起，就算食到最後果條，都仲係咁脆口。真係值得一讚。蜜糖芥茉醬呢個醬好似M記之前既麥樂雞醬，不過呢個仲好食。芥茉味幾夠，點薯條真係幾好食。雲呢拿奶昔雖然要加錢，不過又係好值得飲既。個奶味唔會太重，但個奶昔又唔會太甜。呢個配搭係好。雖然價格真係高左小小，不過製作認真既食物。所以間中都會食一次。