Victorian Rose Tea Room (Closed)

前排喺網上見到唔少Tea Set推介，第一時間俾呢間典雅瑰麗既裝飾佈置所吸引，即刻九秒九打去訂座裡面既店員全都著住整齊既西裝，一舉手一投足都風度翩翩，置身餐廳中彷似被當成公主看待Tea set包兩杯咖啡或花茶。玫瑰花茶紅茶濃郁甘醇，伴隨玫瑰既幽香。先讚賞咖啡師既拉花工藝，飲到尾仍然能見到清晰既圖案榛子味十足，奶同咖啡比例平均。食物果然無令人失望，每一件都精緻可口先由鹹點食起，Parma ham配上清甜既蜜瓜，中和左火腿醃製既鹹，清新開胃；漢堡包表面烤香內在鬆軟，以簡單既芥末醬襯托安格斯牛肉濃郁既肉味，充分發揮每樣食材既美味。蟹肉餅完全食唔出係煎製，口感絲毫不油膩，入口軟嫩鮮甜。軟心朱古力撻，外層撻皮香脆苦澀，朱古力軟心軟滑甜膩，兩者平衡得宜，看似簡單，但層次非常豐富草莓大顆清甜，底下係脆卜卜既撻皮同軟滑既吉士醬，兩者同樣奶香十足。Panna cotta口感非常幼滑，帶淡淡酒香，入口香甜不膩。歌劇院蛋糕層次分明，蛋糕軟綿、忌廉厚滑、果仁碎香脆，加上面頭香濃既咖啡醬，口感複雜，好似飲梗cappuccino咁拿破崙好香口鬆脆。戚風蛋糕非常鬆軟，食落似綿花糖輕盈，同時伯爵茶味道十分突出，帶微微