博多拉麵別天神 (Closed)

我諗鍾意食開日本拉麵嘅朋友一定會聽過別天神呢個名，近年係香港都開左好多間分店。今次嚟到尖沙咀呢間分店，再食一次，仍然保持住高水準！尖沙咀呢間別天神，鋪頭嘅風格真係好似令你置身於日本嘅拉麵館之中，有濃厚嘅日本風味。依度嘅拉麵基本上只有兩款，貴精不貴多，分別係豚骨湯底同味噌櫻花蝦湯底。如果第一次嚟，就梗係要食佢哋嘅招牌豚骨湯底喇，湯底濃而不膩，，味道極有層次， 唔會好似出面某啲拉麵舖咁整到得個咸字。另外重點推介係佢哋呢度嘅糖心蛋，醃得勁入味，蛋漿食落口嘅時候真係會慢慢流出嚟！另外如果食得重口味啲嘅朋友，呢度亦有好多款唔同嘅調味料可以落，好似拉麵汁，蒜蓉，辣芽菜同七味粉等⋯⋯但如果你問我，我就梗係會揀食原汁原味嘅湯底啦～ 真係超正，真心推介！