Dining Kitchen Vegi (Closed)

同事朋友中好壞參半嘅餐廳，裝修風格日式+西餐廳，其實即係港式，整體觀感幾好，由於座落銅羅灣，唔覺得擠迫已經可以接受。簡單叫左個和牛炒飯加杯draft beer, 賣相好，外觀睇到㕷飯炒到一粒粒分開，有光澤濕度中等，不過啲牛肉原來並冇一齊炒，咁應該叫和牛加日式炒飯合理啲。個飯炒得好香，有少少磨菇一齊炒，食落口感好好，飯身彈牙有味，亦唔會痴埋一齊，啲蔥都恰到好處，總體上單講個炒飯係非常香，口感都好豐富。再試啲牛肉，偏瘦，少少韌，如果食慣好肥好易咬嘅牛肉應該會唔慣，肉汁都保留到而且好夠味，但就冇特別，似係其他餐廳都試到嘅燒汁。總結，炒飯係一流，但牛肉好普通，以呢個價錢來講唔抵，因為份量實在太少。