Video
Read full review
2015-02-28
9567 views
又到另一半生日的日子，每年到依個時刻都必定會選擇有特式既餐廳嚟慶祝，今年就選擇左ICC依度食懷石料理。預先兩星期預早訂位，知道得一個套餐，每位2180真係都幾肉赤，不過一年得一次加上餐廳環境同侍應服務良好，都不失為一個難得既飲食經驗。難得生日咁開心，當然要開枝清酒慶祝下，叫左枝笑顏百藥既sake，飲落非常香甜，雖然成千三蚊枝酒，都算物有所值。第一道係北海道安康魚肝，魚肝入口即溶好似鵝肝般潤滑，另外的赤貝新鮮爽口，係非常精彩既頭盤。第二道有煮鮑魚，因為煮既時間夠長夠入味，食落唔靭好食。第三道有毛蟹蟹肉配香菌汁，啖啖蟹肉食落夠鮮好滿足。第四道係一個蠔湯，湯入口鮮甜而蠔則算肥美，係幾好的湯。第五道係到三款日本刺身，刺身切得夠厚夠新鮮，點上新鮮即磨既wasabi，非常好食亦適合用來配上清酒一齊享用。第六道係燒鯛魚，魚肉燒完带出魚油既油脂香味，而魚皮則燒致脆脆的，掌握燒烤既時間不錯。第七道係充滿海膽既米飯，份量少少但日本充滿飯香，加埋為數不少既海膽，食落啖啖鮮味啖啖滿足。第八道係著名既-196度既招牌甜品，造型賣相好靚，食落完全係飲食界既冰火，好多啤梨果肉同醬汁，唔會過甜夠濃郁，好難得既飲食經驗
預先兩星期預早訂位，知道得一個套餐，每位2180真係都幾肉赤，不過一年得一次加上餐廳環境同侍應服務良好，都不失為一個難得既飲食經驗。
難得生日咁開心，當然要開枝清酒慶祝下，叫左枝笑顏百藥既sake，飲落非常香甜，雖然成千三蚊枝酒，都算物有所值。
第一道係北海道安康魚肝，魚肝入口即溶好似鵝肝般潤滑，另外的赤貝新鮮爽口，係非常精彩既頭盤。
第二道有煮鮑魚，因為煮既時間夠長夠入味，食落唔靭好食。
第三道有毛蟹蟹肉配香菌汁，啖啖蟹肉食落夠鮮好滿足。
第四道係一個蠔湯，湯入口鮮甜而蠔則算肥美，係幾好的湯。
第五道係到三款日本刺身，刺身切得夠厚夠新鮮，點上新鮮即磨既wasabi，非常好食亦適合用來配上清酒一齊享用。
第六道係燒鯛魚，魚肉燒完带出魚油既油脂香味，而魚皮則燒致脆脆的，掌握燒烤既時間不錯。
第七道係充滿海膽既米飯，份量少少但日本充滿飯香，加埋為數不少既海膽，食落啖啖鮮味啖啖滿足。
第八道係著名既-196度既招牌甜品，造型賣相好靚，食落完全係飲食界既冰火，好多啤梨果肉同醬汁，唔會過甜夠濃郁，好難得既飲食經驗。
最後到雪糕同埋一條包裝得好靚既春卷，比較特別既係甜既春卷，食落唔油膩加埋內面既饀料，作為一餐既結尾實在合適。
依餐因為開左枝酒既關係，所以都算幾貴。不過作為一年一次既生日慶祝，都係覺得物有所值。
Post
