十二味貴陽牛肉粉 (Closed)

貴陽風味夠竟係點既呢? 之前都無食過, 發現公司附近有間, 今日中午就同同事黎試下。設有露天或室內座位, 今日天氣比較清涼, 我地選左坐門口露天座位, 比較relax.牛肉粒狀, 份量唔多, 但牛筋與牛肉比例均勻, 入口軟熟, 味道不錯。同事選左食麵, 個湯較清, 同事話同之前食既貴陽風味一樣, 佢都覺得牛肉比較小, 但肉質同味道Ok.由於牛肉份量小, 大餸既我, 再點左個辣雞黎送飯, 淨睇賣相, 就覺得應該幾辣, 同幾惹味, 雞件經油炸後, 再用辣醬烹調, 雞肉較乾身, 但好入味, 帶點麻辣, 味道不錯。