ÍAÇA Superfood Bar (Closed)

今日晏晝唔算好肚餓，決定食啲輕食，同埋而家疫情下要注重健康營養，所以就諗起喺灣仔巴路士街嘅ÍAÇA Superfood Bar！呢間良心小店💛💛我想幫襯好耐啦，佢嘅裝修已經非常之特別，好清新嘅綠色牆壁加上充滿心思嘅佈置，令我覺得佢嘅食物都係好有心思咁整出嚟嘅。我叫咗個古布亞蘇X巴西莓果碗，大size $78。水果碗色彩繽紛，水果碗以香蕉為主食，加上來自巴西嘅莓粉，配上唔同嘅水果，食起嚟混雜着唔同生果嘅鮮味，非常之開胃又有飽足感。