39
14
12
Level1
2
0
賞心悅目的刨冰，可遇不可求的「榴槤忘返」！
2009-03-11 8 views
我的第一個的食評要奉獻比甜品工房喇！ｎ年前聽住係紅磡的朋友介紹有間幾有特色的刨冰，果時唔係咁多甜品店有刨冰食，佢地的刨冰好大好大，賣相真係好靚好靚，仲有好多新鮮生果，睇得出真係好有心機呢！到我讀大學，宿舍就係附近，成日同同學仔趕功課捱通宵前就黎食刨冰差差電，雖然間鋪太細，成日都要坐出面，不過我地好鍾意鬥征服成個刨冰，由流住汗食刨冰到食到打冷震真係好滿足。２位老闆都認得我地，仲一有新產品都比我地試添！而家由於屋企同工作地點都唔就腳，已經好耐冇去。但係上個月情人節果日，返工途中係地鐵拎左份頭條日報，竟然比我係飲食果版見佔左差唔多成個版面的甜品工房宣傳廣告，而且係大埔太和果邊都開左一間！三八一班婦女踩完單車後，我地去左大埔呢間食糖水。呢度比紅磡大好多，不過都迫迫地好多人，仲有電視睇，我見到menu多左好多新甜品，刨冰名稱一如以往的充滿甜蜜浪漫的感覺，有士多啤利刨冰「赤之戀人」，芒果乳酸刨冰「芒之戀曲」，勁多生果，超大份超靚，出面ｄ刨冰永遠都冇呢度咁靚同埋真材實料，真係好好味！！！估到冇但都多口問下有冇「榴槤忘返」，呢個夏季限定而且唔係常有的「榴槤忘返」簡直係 "鎮店之寶”！以前夏天係紅磡食過
Read full review
我的第一個的食評要奉獻比甜品工房喇！

ｎ年前聽住係紅磡的朋友介紹有間幾有特色的刨冰，果時唔係咁多甜品店有刨冰食，佢地的刨冰好大好大
，賣相真係好靚好靚
，仲有好多新鮮生果
，睇得出真係好有心機呢！


到我讀大學，宿舍就係附近，成日同同學仔趕功課捱通宵前就黎食刨冰差差電，雖然間鋪太細，成日都要坐出面，不過我地好鍾意鬥征服成個刨冰，由流住汗食刨冰到食到打冷震真係好滿足
。２位老闆都認得我地，仲一有新產品都比我地試添！


而家由於屋企同工作地點都唔就腳，已經好耐冇去。但係上個月情人節果日，返工途中係地鐵拎左份頭條日報
，竟然比我係飲食果版見佔左差唔多成個版面的甜品工房宣傳廣告
，而且係大埔太和果邊都開左一間！


三八一班婦女踩完單車後，我地去左大埔呢間食糖水。呢度比紅磡大好多，不過都迫迫地好多人，仲有電視睇，我見到menu多左好多新甜品，刨冰名稱一如以往的充滿甜蜜浪漫的感覺，有士多啤利刨冰「赤之戀人」
，芒果乳酸刨冰「芒之戀曲」
，勁多生果，超大份超靚，出面ｄ刨冰永遠都冇呢度咁靚同埋真材實料
，真係好好味！！！估到冇但都多口問下有冇「榴槤忘返」，呢個夏季限定而且唔係常有的「榴槤忘返」簡直係 "鎮店之寶”！
以前夏天係紅磡食過，一試就愛上這個 ”極品”
！！！！！老闆話遲下金枕頭當做會香甜好多呢
！好期待啊．．．
「赤之戀人」
19 views
0 likes
0 comments
「芒之戀曲」
15 views
0 likes
0 comments
「紫葡之戀」
18 views
0 likes
0 comments
「冰桃玉露」
18 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2009-03-08
Spending Per Head
$25 (Other)
Recommended Dishes
「赤之戀人」
「芒之戀曲」
「紫葡之戀」
「冰桃玉露」
  • 刨冰