Video
Read full review
2015-10-04
1596 views
又到中秋，無乜搞作就黎左食燒肉，今次又試下military，好耐之前已經想同同事黎食，不過一直約唔齊人又作罷。睇返，原來同食開嘅7080同一集團，連價錢都一樣喎，不過呢度多左個軍事主題，仲可以cosplay添 佔地好大下，無油煙味抽風做得幾好喎，最怕食完成身燒肉味。坐低會送上醬料，麻油海鹽，辣醬，青辣椒同蒜粒。個前菜會成盤送黎，一人一盤唔使爭，好似飛機餐 當然仲有生菜啦。廢事諗食乜，揀左個二人套餐 $498，包括烤五花腩，牛肋骨肉，牛肉，雞肉，蔬菜拼盤，煎泡菜餅，同韓式炒粉絲。好多野食喎，有得燒又有飽肚野，就咁決定啦。烤肉盤，牛肋骨肉同五花腩肉烤蔬菜盤，有茄子，粟米仔，南瓜片，洋蔥，蕃茄仔等。雞肉同牛肉，150g原來都幾多喎。粉絲，炒得乾身唔油，調味唔錯。泡菜餅，可點酸汁食，幾大塊不過略油，泡菜份量多但又唔辣喎，味幾好，係淋左啲，再煎得硬身啲更好。另加左韓式煎餃子 $48，餃子入而包粉絲同蔬菜，外皮煎得香脆，熱辣辣點餃子汁食好味呀。一路食住熟食一邊燒肉，香噴噴呀！個人覺得牛肋骨肉最有肉味，燒完都唔會韌，雞肉調味得正，甜甜地燒起肉嫩，食下肉又要食下蔬菜balance下。當然要食生
睇返，原來同食開嘅7080同一集團，連價錢都一樣喎，不過呢度多左個軍事主題，仲可以cosplay添 佔地好大下，無油煙味抽風做得幾好喎，最怕食完成身燒肉味。
坐低會送上醬料，麻油海鹽，辣醬，青辣椒同蒜粒。
個前菜會成盤送黎，一人一盤唔使爭，好似飛機餐
當然仲有生菜啦。廢事諗食乜，揀左個二人套餐 $498，包括烤五花腩，牛肋骨肉，牛肉，雞肉，蔬菜拼盤，煎泡菜餅，同韓式炒粉絲。好多野食喎，有得燒又有飽肚野，就咁決定啦。
烤肉盤，牛肋骨肉同五花腩肉
烤蔬菜盤，有茄子，粟米仔，南瓜片，洋蔥，蕃茄仔等。
雞肉同牛肉，150g原來都幾多喎。
粉絲，炒得乾身唔油，調味唔錯。
泡菜餅，可點酸汁食，幾大塊不過略油，泡菜份量多但又唔辣喎，味幾好，係淋左啲，再煎得硬身啲更好。
另加左韓式煎餃子 $48，餃子入而包粉絲同蔬菜，外皮煎得香脆，熱辣辣點餃子汁食好味呀。
一路食住熟食一邊燒肉，香噴噴呀！個人覺得牛肋骨肉最有肉味，燒完都唔會韌，雞肉調味得正，甜甜地燒起肉嫩，食下肉又要食下蔬菜balance下。
當然要食生菜包剛好坐在窗邊枱，可睇到街景，仲有圓圓嘅月亮呀！！
Post
