韓冰 (Closed)

朋友想食韓國野， 又向銅鑼灣， 就唸起依間。  由于佢向唔起眼既位置， 所以唔去開果層都唔知會有依間野。 星期六中午1 點，都唔多人。地方幾大， 電視播住韓歌，走年輕人路線。佢打正旗號係開Korean dessert，即係雪花冰， 雖然我果人普通雪花冰， 因為好似淨食緊冰咁， 料又平但買到貴一貴咁。見左有set ，天氣又熱，都係試一試。蜜糖炸雞（$100），唔駛問， 一定係first choice ， 一碟六隻雞槌， 醬係咕嚕肉既甜酸醬，重有d 洋蔥同黃椒，未食之前已經懷疑係咪佢比錯左我地， 因為同想像有好多蜜糖完全唔同，問完個員工，佢話係依碟。 帶住半懷疑，食第一啖，都係覺得冇蜜糖味，灰左。 食多兩啖又覺得有好好好少既蜜糖味。 原來佢只係係咁意， 加左少之又少既蜜糖向上面， 失望。 不過甜酸醬係好開胃既，炸雞翼永遠都係咁好食架! 炸醬拉麵set ，包一柸野飲同紅豆雪花冰 $200炸醬味一向都唔係  我柸茶，所以我唔特別comment 啦， 但個紅豆炮冰， 堅好味， 佢冰係重重既牛奶味同有黃豆粉， 配上少少甜既紅豆，同''煙韌''既 年糕， 中間重有好多類似Mochi 一粒粒，好口