半路咖啡 (Closed)

尋日去摩羅街嗰陣，咁啱經過見到哩間Cafe，其實好想行入去嘆翻杯咖啡㗎，最衰就無時間啦，所以今日就特登早啲起身嚟打卡。朝頭早嘅Cafe有種好唔同嘅感覺，真係好舒服好寧靜好Enjoy。店內最吸引眼球嘅非哩啲懷舊咖啡杯莫屬啦，唔同嘅咖啡用唔同嘅咖啡杯載住，連外賣嘅紙杯都係哩啲懷舊款，好特別。好鍾意哩個小角落，邊曬住太陽，邊嘆嘆啡。時間尚早嘅關係，可以霸到個店外靚位，好鍾意哩種邊飲咖啡，邊睇住人來人往嘅感覺。- Flat White（$38）Wow ... 連咖啡杯碟都係一Set嘅，睇得出店主嘅小心思，拉花又靚，梗係第一時間電話飲先。咖啡味濃且香，鍾意飲咖啡嘅值得一試。